呢位平面設計師叫Kristina Lechner，佢鐘意任何設計嘅野。至於點解會有呢個「食物不是食物」系列誕生，係因為佢想用工餘時間，跳出自己嘅框框，設計啲同平時唔同嘅野～
同時又因為自己唔識煮野食，但又好鐘意食物，所以就用啲日常用品變食物模型，順便滿足下自己喇。
呢碟驟眼睇係一碟肉醬意粉，但其實醬係萬字夾，意粉係橡筋黎架～
呢個macaron大家睇唔睇得出係咩呢?其實係啤酒樽蓋!
呢個漢堡包感覺好似好軟熟，好想咬一啖呀！
呢塊三文治係大家日日用黎洗碗果塊擦擦海綿～小編覺得最搞笑係片生菜係平時洗碗啲膠手套！
呢舊壽司係白色毛冷加以前細個成日用果啲砂膠～
呢杯係一堆唔會消失嘅啤酒泡同幾時都咁多氣嘅啤酒～
火柴扮薯條，不過略嫌乾身咗啲同幼咗啲囉
呢個撻小編睇咗好耐都只係認到個啤酒蓋:(
有無覺得熟口熟面?啲爆谷係大家常用嘅memo紙~
個人認為呢幅就算放上食評網都會有人信係真嘅多士~ 至於係用咩扮，小編真係睇唔出。
牛扒嘅像真度不及啲粟米喔～
BBQ最不能少嘅一定係燒棉花糖，雖然話食得多會致癌～
Doritos 又係外國經典零食!食幾多都唔厭~~
克力架其實係紙皮，中間夾住塊nokia年代嘅電池~
小編睇完真係好想衝出office 去買野食><!但換個角度諗，如果望梅止渴係真嘅話，呢批相應該係減肥恩物～
圖片來源: Kristina Lechner
撰文: Msrachel
