呢位德國設計師Wiebke Meurer，現居瑞士做設計工作，佢話佢最鐘意就係設計餐具，特別係Fine Dining 果啲，咁樣聽落都好正常，但係當你睇到以下嘅設計品，你會猶豫...點用呢？
用呢隻匙羹舀起啖湯，應該無咩幾多可以到嘴邊。
除咗匙羹，碟都一樣唔例外，用咗鏤空設計，上面仲有幾隻立體靚蝴蝶，但係又可以放到啲咩野食呢？
呢隻杯真係經典，絕對係睇得唔用得！
但根據呢位設計師講，普遍嘅人設計一樣物品都係按佢嘅功能去設計佢嘅形態同外觀，而佢就完全同呢條原則背道而馳，因為佢覺得唔應該框死一樣物品嘅形態同外觀啊～
所以佢設計出黎嘅餐具通常都係實用性偏低。
雖然係咁，但喺靚呢方面就做得好好喇！每一件嘅造工都係藝術品級數！
真係望到都會好想要，就同女人購物嘅心態一樣，成日覺得好靚所以就衝動咁買返屋企，點知返到屋企又會後悔自己買咗啲唔等使嘅野:(
同呢位設計師設計呢啲餐具嘅心態一樣，功能？唔理啦！形態？無限制架！最緊要佢靚！咁就夠架喇！
睇到呢度都唔明呢種心態嘅男士，不妨返去問下你地身邊嘅女士，可能佢地會解答到你！
重點係，呢批餐具，買返去一定係做擺設，但價錢分分鐘仲貴過你買一套真正嘅餐具。
圖片來源: Boredpanda
撰文: Msrachel
