今時今日，資料科技發達，足不出戶都可以享受各地美食。不過，南美洲仍然有原始部族以打獵維生，而佢哋嘅食糧竟然係馬騮仔!!! 英國攝影師Pete Oxford就利用佢嘅相機，將Huaorani部族嘅生活記錄下來，一齊睇下喇!
▼ 厄瓜多爾土著Huaorani族約4000人，居住地點集中喺厄瓜多爾東部熱帶雨林。過慣裸體生活嘅佢哋仍然會赤腳爬樹，吹出有毒飛標去獵殺馬騮!
▼ 長年累月嘅生活方式，令到Huaorani族人嘅雙腳都「進化」成扁平足，令到佢哋爬樹時更加方便。
▼ 馬騮幾乎係佢地部族嘅主要食糧，族人會將捕獲到嘅馬騮紥成一束。唔少西方人都會覺得好殘忍，不過攝影師Pete就認為，其實狩獵馬騮同英國人狩獵野雞同兔仔無分別。
▼ 除咗馬騮仔之外，野豬都係佢地嘅食糧。
▼ 族人開始處理野豬屍體並用火烤方式烹煮
▼ 唔係講笑，就連鸚鵡都係佢地嘅食糧...(不過右圖果隻已經成為族人嘅寵物，避過一劫)
▼ 呢隻就唔係咁好彩喇...
▼ Huaorani部族居住嘅地方用料簡單，不過近年政府開始保育呢啲熱帶雨林內嘅部落，設立保育區並打造成熱帶雨林文化體驗之旅又或者渡假村，不過做法為人詬病，影響土著生活之外，仲對當地環境造成唔少影響。
▼ 攝影師Pete認為，自己嘅攝影係記錄逐漸消失嘅原始文化同部族。或者過多幾十年，世界上就唔會再有人記得Huaorani部族嘅生活、文化、歷史等，不過呢啲照片就可以作為記錄，供世人參考。如果你有機會到訪，記住唔好騷擾原住民嘅生活喇!
圖片來源：www.peteoxford.com/
撰文：陽光小毒毒
