▼ 「立體主義」大家未必聽過，其實呢種風格正正係由畢加索其中一幅作品揭開序幕。1907年畢加索所創作嘅〈亞維儂姑娘們〉(Les Demoiselles d'Avignon)，當中表現出空間破碎又再重組，而後世亦影響唔少藝術家嘅作品風格。
▼ 雖然珠玉在前，但係有才華嘅藝術家又點會俾前人所局限呢? 西班牙藝術家Belin就突破前人嘅作品，佢嘅畫作既有立體主義嘅破碎、重組、拼貼風格，保留顏色鮮艷同線條鮮明嘅特點外，仲將人物嘅唔同角度交錯展現，將玩味藝術重現街頭。
▼ 通常Belin都會起左大致草圖，再用鮮明顏色做背景，主體大多以超過六個角度去重組一個「又完整又分離」嘅畫面!
▼ Belin作品嘅特別之處在於，破碎嘅部分雖然係面上五官，但係佢並唔係以抽象形式去重組面容，而係以寫實、像真嘅方式去重現一張人臉!
▼ 無論係眉毛、眼睫毛同皮膚紋理呢啲details位都畫得根根分明，根本就係將寫實嘅人物畫像重組而成嘅立體風格作品!
▼ 從Belin嘅草圖當中，都可以睇到佢相當熟悉人物嘅面容、表情以及紋理嘅分佈，所以起稿之際已經可以清楚掌握唔同表情以及角度，將面容碎片拼湊成一幅完整嘅作品。
▼ 其實Belin仲有唔同系列嘅作品，有興趣嘅就去Belin嘅Instagram睇下喇~
圖片來源：Instagram - belin_official
撰文：陽光小毒毒
