台灣最近流傳一批相，相入面都有一個肥肥地叫柳宇佑嘅小朋友，攞住自己寫嘅字，令到網民瘋轉。網民讚嘅唔係手字有幾靚，或者小朋友幾可愛，讚嘅應該係果份自信、創意同正能量！
呢位小朋友喺紙上寫住「我不是胖，我只是有點熱，老師說受熱會膨脹你懂嗎！」，係囉人地邊係肥，只係覺得熱咪膨漲之嘛，你唔係同我講你唔知咩叫冷縮熱漲呀，我笑你架！
「因為我有雙下巴，所以碰到任何困難都不會低頭」，有雙下巴嘅人，一定要堅持啊！
「放心，任何事情慢慢都會變好的！像我一開始只是胖，後來就變好胖」，小編表示希望變好瘦...
「我這個人愛過哭過瘋狂過，只是有個遺憾就是沒瘦過」呢幅有點淡然的哀傷，但係...小朋友你愛過邊個妹妹仔?
超可愛的正能量語錄，加埋宇佑嘅可愛笑容，真係迷到唔少網友！批相放上網後短短兩日已經有近二萬人讚好，三萬人分享。仲有唔少留言讚佢可愛、樂觀，手字都唔錯，仲話可以印做海報攞去賣呀！
圖片來源: 曹大任 @Facebook
撰文: Msrachel
【青春小鳥一去不回來】第一日返學 VS 最後一日返學
【高溫燒滾了我一切】鐵球加熱過千度 熱爆可樂番梘朱古力
【另類釋放】日本上班族之憂鬱 仆到直一直
【不安慎入】蛇精男生活照 激發網民無限創意
