「為了薪金一萬元 令每天都沒了沒完~」本地組合My Little Airport嘅《邊一個發明了返工》唱出咗(小編相信係世界各地嘅)打工仔心聲。終日營營役役，連生活都無埋嘅日子，真係好痛苦。
日本有位上班族Yusuke Sakai就深深感受到工作帶俾佢嘅壓力，繁重嘅工作、瘋狂嘅OT、收工後嘅應酬、放假都要覆Email同Message，「眼淚在心裡流」，所以佢創作出「Salaryman Blues」攝影系列，展現打工仔返工忙到「趴街」嘅一面。
▼ 工作太忙，喺公司樓下趴一趴
▼ 其實同好多香港打工仔一樣，每朝都拖住超攰嘅身軀返工
▼ 你以為有人幫呢位打工仔拍低佢嘅辛酸? 哼! 其實係攝影師自己set腳架再幫自己影~
▼ 冰天雪地下，打工仔都係要努力咁工作
▼ 諷刺嘅係，呢位打工仔每次影完相，其實每日都要繼續返工，繼續返入辦公室，坐返喺自己個位，開返部電腦繼續做野...(好灰啊!!!!!)
▼ 喺咁多張作品入面，唔知你哋有無發現呢位打工仔都係著西裝呢?
▼ 公園、辦公室外、草地、平原、雪地、樓梯，處處都係呢位打工仔「趴街」嘅地方，因為無論何時何地，打工仔嘅辛酸都無處不在，喺每張睇落好笑嘅作品中，其實背後隱含打工仔內心嘅憂鬱同淡淡嘅悲涼~
小編第一次見到呢個另類釋放內心憂鬱嘅攝影系列時，一開頭都覺得幾得意，攝影師周街趴，但係睇多幾張，其實自己都係每日做到「趴街」嘅一位打工仔~ 唔知你又有無共鳴呢? 即刻聽返首《邊_個發明了返工》來調劑下心情先~
| {youtube}Fx_EEfKUouY{/youtube} |
圖片來源：http://www.sakaiyusuke.com/
撰文：陽光小毒毒
