果位台妹揸車既時候，因為前面有車所以停低，點知後車就係咁呠佢。唔甘心被後車係咁呠，竟然放相去爆料公社怒轟後車司機，仲叫人「滾回你的平民窟」，引起網民反彈後即刻刪post，點知呢個世界真係你有張良計就我有過牆梯。爆料公社勤力既小編竟然已經CAP咗圖！
補充一下，台灣天母區係比較高尚既住宅區，有啲類似香港既太古城。另外爆料公社係一個擁有二百幾萬人追蹤既專頁，幾乎係所有台灣熱門話題既原點，所以比佢地小編同網友睇中，都幾大件事。
就係因為呢個post，喺短短一個鐘入面，已經湧入近二千個網友讚好或者比反應，仲有二百幾人留言仲起埋果位台妹底。佢係開網店賣名牌既店主，仲比人訪問過自己既開店心得，當中提到佢媽媽係開實體店賣衫，但就唔夠佢客源廣喎～（雖然佢都有承襲佢媽媽既客源，即係搶客）
台灣KOL「老王」就入咗佢專頁留言，點知就比人封鎖喇，至於點解封佢，可能係因為佢留言太好笑喇哈哈！
除左老王，唔少網民除左鬧佢之外，仲感懷身世啊陰公豬！
無錯，靠自己打拼先值得炫耀！
講起炫耀，佢專頁的確有唔少去旅行啊，買名牌既相～
仲話自己啲衫著兩次就唔著架喇！
人地每件衫都係名牌黎架，Prada都係一般野～不過有錢人係咪對錯字都係一貫「who cares」態度既呢？明明係一般可以打成一半仲咁自豪既哈哈！
有網民就乾脆喺佢啲post留言叫佢盡早出黎道歉呀～不過，未有人理佢～可能下次再睇已經比人刪除埋個留言。
呢單野已經引起台灣媒體注意，出埋即時新聞喇～除左咁之外，仲有網民質疑佢專頁賣既名牌，到底點解可以賣咁平～理由大家都係估果個
小編都不禁覺得自己都好有速度同效率，為大家帶黎台灣熱話一則～哈哈！
圖片來源：爆料公社、OLA @facebook
撰文: Msrachel
