前兩年外國興起一股用玻璃瓶（Mason Jar）裝沙津同果汁嘅熱潮，一瓶瓶裝滿五顏六色蔬果嘅玻璃瓶十分美麗，亦令到玻璃瓶瞬間大受歡迎。
▼裝滿水果嘅玻璃瓶超夢幻，難怪深受大眾歡迎。
除左裝沙津同果汁之外，大家亦喜歡用佢嚟裝乾糧同雜貨。但又大又重嘅玻璃瓶相當佔位，於是美國雜貨品牌KIKKERLAND就將玻璃瓶變成輕巧嘅密實袋嘞（Mason Jar Zipper Bag）！
▼『玻璃瓶密實袋』推出後人氣爆燈！
『玻璃瓶密實袋』質地較一般密實袋堅韌厚實，不容易損毀，同玻璃瓶一樣清洗後可重複使用，更有各種不同尺寸可供選擇。
▼玻璃瓶圖樣嘅密實袋，質地輕巧，方便攜帶。
▼除咗玻璃瓶圖樣嘅密實袋，仲有果醬瓶圖樣，共兩種款式。
除咗食物外，仲可以用嚟收納一啲隨身物品、化妝品、藥品等，中間透明嘅設計可以睇到袋裡面嘅物品，非常方便！
▼將密實袋一個個放入雪櫃，整齊又不佔位，方便好用。
圖片及資料來源：kikkerland.com
撰文：Irene Leung
