「一平夜店炒麵」呢個杯麵品牌一向都好鐘意出一啲創新既口味，挑戰一下食客既味蕾。如果好食既，當然會得到人欣賞啦，但唔好食喇喎，就分分鐘變滯銷商品架喇！
之前推出過既朱古力味～
簡單啲黎講其實係朱古力醬撈麵～
當時都唔少人讚過效果唔錯，所以先再有創新口味既出現。今次呢款係草莓蛋糕味，但就咁睇包裝其實無咩伏味～
同普通杯麵一樣都係落水淥完，倒走啲水先加醬同配料。
配料有草莓乾，棉花糖，彩色朱古力。
醬汁係雲呢拿味，仲要加包沙律醬...聽到呢度已經唔係好想食...
撈出黎係咁樣樣，顏色幾繽紛既。
唔少網民食完都話個味好微妙，總之就係熱既草莓蛋糕同雲呢拿味既炒麵。
亦都有人直接話好難食。
甚至有人乾脆買件真‧草莓蛋糕放上去其他味既麵度。
結果呢個口味既杯麵，喺超市淪落到只賣30yen，即係港幣兩蚊雞，都仍然有咁多貨...
小編認為呢啲伏，真係中一次就夠。
圖片來源：網上
撰文：Msrachel
延伸閱讀
