經典零食『童星點心麵』係唔少香港人嘅童年回憶，上星期「童星點心麵」生產商 Oyatsu Company宣佈用咗28年嘅第二代吉祥物「童星公仔」將於今年引退，並喺噚日公佈新一代「童星公仔」繼任人，將會喺明年1月尾正式登場！
其實「童星公仔」已經去到第三代，第一代嘅少女童星到而家都仲好受歡迎；第二代係陪住大家成長嘅黃色小子亦唔輸蝕，得到一眾粉絲嘅愛戴；至於第三代嘅「童星公仔」就變咗一個鍾意唱歌跳舞嘅潮童，唔知大家會唔會繼續撐呢？
▼新一代「童星公仔」係一個鍾意唱歌跳舞嘅活潑男孩。
▼YouTube上已經有佢周街唱歌跳舞嘅片段嘞！
{youtube}GQesRPgHTJk{/youtube} |
▼新一代『童星點心麵』會變成咁樣，認住佢喇！
不過對於新一代「童星公仔」，日本網友嘅焦點就落喺佢件衫個袋度！事關佢雙手插入衫袋嘅方式非常奇怪......，網友更質疑係「作畫出錯」。
▼呢個口袋嘅構造確係有啲古怪！
由於新吉祥物仲未改名，官方特別舉辦咗「我的名字」嘅改名活動，只要最終被採用，就可以得到價值100萬円的童星公仔金牌。活動由即日起至2017年1月9日，大家有興趣可以參加一下！
▼最後同大家緬懷一下那些年的『童星點心麵』啦。
官方網站：www.oyatsu.co.jp/product/babystar/
撰文：Irene Leung
