▲早前 Cara Delevingne出席倫敦時裝週Burberry17春季時裝騷嘅時候，以一身全黑開胸連身傘裙示人，但最搶眼嘅唔係服飾，而係佢心口條黑線。
▲Cara身上嘅粗黑線其實係body paint，由下巴一直去到胸骨，非常搶眼，而且可以代替飾物，果然係時走在潮流尖端。
▲不過唔好以為佢係第一個人咁樣做啊，除咗Cara，仲有我哋香港代表Leah。王菲同竇唯嘅囡囡Leah竇靖童自從舊年喺Clockenflap演出之後，傳媒開始非常關注佢嘅一舉一動。
▲今年年中Leah喺下唇底一路落到鎖骨，紋上一條黑色幼線，當時好多網民鬧爆Leah冇家教，教壞小朋友。
▲但後來Leah透露其實係為咗有兔唇嘅妹妹李嫣，鼓勵因為面上有缺陷而感到自卑的孩子，希望藉以給予勇氣，坦然面對世界（超洋蔥der）。
▲如果你心郁郁想試吓又唔夠膽紋身，可以用防水嘅黑色眼線液代替人體彩繪嘅物料。
▲見到咁嘅趨勢，不禁想像一下未來嘅潮流...
圖片來源：Getty Image、youtube、Instagram@grey_waters
撰文：Elefante
