《Running Man》長期累積大量粉絲追看，但面對近日收視跌破10%，電視台決定要重組節目，而對外公開智孝和鐘國要專注個人發展而決定下車。點知今日就爆出內幕，指係電視台單方面決定兩人離開節目，事前並無任何溝通，結果被網民、粉絲一致炮轟唔尊重一直為節目付出同努力既鐘國同智孝。
電視台單方面踢鐘國及智孝出局，智孝的回覆亦間接承認的確係事實，智孝對於睇新聞先知道自己要下車的回應係「確有此事」。
鐘國12號接到電視台的通知，對於「被下車」呢件事，國兒的回應係「無可奉告」，令到唔少粉絲同朋友都心痛佢努力付出但換黎電視台無情對待。
就連節目組的人都喺Twitter post左張圖指出「無選擇」，為兩人抱屈。
事到如今，光洙亦可能會選擇離開節目。
一直盛傳會加入既姜虎東亦發表聲明，話自己諗左好耐曾經有要加入的意思，但唔知道原來有咁多「幕後情況」，認為若執意接棒，會帶來極大的誤解和不便，所以決定拒絕。唔少網民都猜測佢咁做係為鐘國同智孝抱不平。
但係講到尾，成件事最無辜既始終係七位成員同埋一班忠實粉絲啊((哭
圖片來源: 網上圖片
撰文: Msrachel
