今時今日如果仲收到朋友仔寫俾你嘅聖誕卡，你一定要好好珍惜佢，因為而家已經無咩人有心機寫架喇！不過以前維多利亞時期果陣，都仲好興寫聖誕卡俾屋企人同朋友，不過唔知點解，啲聖誕卡嘅風格有啲怪怪地......唔知你收到嘅話會唔會覺得毛骨悚然呢?
立下眼睇好似係小強同青蛙共舞，後面隻蜻蜓仲好似想搵野扑佢地！（其實黑色果隻應該係鍬形蟲）
點解Joyful Christmas會同死雀有關係呢? 有無人可以話俾小編知?
成班食人族圍住黑娃娃Golliwog，收到呢張卡果陣點睇都係驚多過喜啵......（又或者咁諗，啲食人族有聖誕大餐啵!）
其實雪人復活，會行會走，係幾得人驚...而且圖入面嘅小朋友好明顯就嚇親喇!
呢個「熊的歡迎抱抱」...小編已經諗到下個畫面係個人無左個頭
呢個睇落幾得意，實際係小朋友頭嘅蛋糕，硬係同A Christmas Greeting唔係好夾...
殺死青蛙同Merry Christmas點解會有關係?畫果個人當時到底諗緊咩?
成班溜冰嘅青蛙齊齊跌低，兩腳朝天，幾好笑嘅不過說好的Sweet Christmas呢?
好似幾溫馨嘅畫面，但係你望清楚啲小朋友嘅樣，特別係正中間坐地下果個，似唔似Annabelle望住你?
望實隻黑貓十秒，唔知你會唔會都寒一寒呢?而且以前黑貓唔係話會帶來惡運咩?好難想像一隻令你心寒嘅貓會帶來Jolly Christmas
拎住鐮刀嘅聖誕老人，無著衫嘅小妹妹，你諗到啲咩?
伊藤潤二漫畫入面嘅人頭氣球，靈感會唔會係來自人頭花呢?
呢張聖誕卡似Happy Halloween多啲，塊曲奇餅個樣好詭異
左下角個雪人一定有陰謀!
邊有聖誕卡上面會有聖誕妖怪同小朋友架? (雖然隔離個小朋友個樣好似講緊：呢隻妖怪條脷到底有幾長)
有小丑恐懼症嘅小編，收到呢張聖誕卡應該會嚇死而唔係feel到A right Merry Christmas to you
呢個聖誕老人相當有嫌疑，佢係咪想拎個公仔來害小女孩??
雖然以前啲聖誕卡睇落有啲毛骨悚然，不過卡上面都係表達住對朋友/家人嘅祝福。今年聖誕，或者你都可以diy張奇怪聖誕卡，向最親愛嘅人表達你嘅心意！.
圖片來源：Boredpanda
撰文：陽光小毒毒
