《Peppa Pig》其實係一套英國學前教育動畫，故事圍繞住豬女Peppa同屋企人及朋友的愉快經歷，主要教育小朋友同人相處既技巧同埋體驗生活，豬女Peppa形象同行為都好可愛，所以吸引左唔少大人細路都係佢fans黎架！今個聖誕，豬女Peppa就會黎到香港黃金海岸開戶外嘉年華，同fans玩下攤位遊戲見下面喇！
今次既聖誕嘉年華喺黃金海岸商場舉行，商場會變成Peppa Pig既樂園，除左豬女Peppa 之外，仲有弟弟George、豬爸爸、豬媽媽、狗仔Danny、大象Emily和小馬Pedro等等！現場會有三大攤位遊戲比大家挑戰，成功會有豐富獎品架！
１． 投進魔術帽
只要將膠波拋進魔術帽內，達到指定數目即可獲得獎品！
２．波波池搵豬女
波波池入面有好多豬女匿埋左，限時內搵到指定既豬女就為之挑戰成功喇！
３．圈圈捉豬女
企喺指定距離拋出膠圈，只要成功圈中任何一隻豬女已經挑戰成功架喇！
每款攤位遊戲只需要捐$20就可以玩一次，所有捐款都會撥捐「愛心聖誕大行動」，玩既同時仲可以做善事，一舉兩得呀！
場內仲有Peppa Pig 既士多啤梨味雪糕($45)，岩晒玩到身水身汗既大人細路！
場內仲有唔少影相位比你地留住快樂一刻，最特別係有5.5米高既巨型摩天輪，Peppa佢地仲會換上冬日造型，喺嘉年華的每個角落出現。聖誕假期間(12月24至27日)，Peppa Pig真身更加會喺商場出現，同大家來個愛的抱抱，實在係機會難逢！
喺商場消費滿$600就可以帶埋聖誕版Peppa Pig Cusion返屋企，鐘意Peppa Pig 既你唔好等喇，快啲去搵佢地一齊過聖誕啦！
更多活動詳情：
圖片來源：GoldCoast Official、網絡圖片
撰文：李娘親
