自從《我的野蠻女友》之後，全智賢係中港台等地爆紅，近期再有劇集《藍海傳說的秘密》，令到人魚女神人氣再急升。近排有位韓國素人自拍同貓貓嘅生活點滴，但係大部份人都剩係留意個素人，因為佢真係激似女神全智賢！
呢位韓國素人立下眼睇，同當年拍《我的野蠻女友》嘅全智賢的確好似樣，而且連鼻上面都一樣有粒小痣，有無咁岩啊！
（左圖：全智賢 右圖：韓國素人）
連側面都隱約透出陣陣仙氣～
（左圖：全智賢 右圖：韓國素人）
雖然無全智賢嘅霸氣，但係佢多左一種難以捉摸嘅神秘感同無辜感，小編覺得望住佢嘅自拍，心都醉喇～
（左圖：韓國素人 右圖：全智賢）
無論係凌亂定係順直嘅髮型，加埋放空嘅神情，呢位素人幅幅相都有種超然世外嘅空靈感。相比起氣質女神全智賢，佢直頭多左一份無辜感！
佢經常Post同貓貓嘅生活點滴，係人人都鐘意嘅粉色小肉球，超得意啊！
其實不嬲都有新嘅歌手或者演唱被譽為係「小全智賢」或者「90後全智賢」，就好似中國演員王妍之同韓國歌手采妍。不過，小編就覺得今次呢位素人比佢地更加有氣質，而且仲要係淡妝都贏佢地成幾條街！
韓國女團I.O.I成員采妍，長腿嘅佢被稱為「小全智賢」（小編覺得似周迅囉...）
因劇集《特警力量》而爆紅嘅內地女演員王妍之，被封為「90後全智賢」
想即刻知道呢位空靈感韓妹嘅消息，仲唔快啲去follow佢Instagram！
圖片來源：Instagram-yenaac
撰文：陽光小毒毒
