話日本係一個賣萌嘅民族，真係一啲都無講錯！衫褲鞋襪要賣萌、餐盒要賣萌、美妝用品當然都要賣一賣萌啦！最近日本郵購公司FELISSIMO推出咗一款『貓舌臉油紙』，臉油紙就係由貓貓嘅嘴裡面拉出嚟嘅粉紅色脷嘞，設計十分有趣！
面油紙共有6款不同嘅貓頭，每款有30張舌頭造型嘅面油紙。
只要輕輕拉出貓咪嘅舌頭，就可以用嚟吸臉油嘞。
臉油紙係舌頭造型，非常咁可愛。
臉油紙2款為一組，每組售價為650日元+税，當中有部份收益會捐助保護流浪貓嘅基金。
圖片及資料來源：www.felissimo.co.jp
撰文：Irene Leung
