相信唔少人都會因為怕廁板污糟，不停用廁紙墊廁板，以為唔係直接接觸塊廁板就唔會有細菌，但係你又有無諗過，張廁紙分分鐘仲污糟過個廁板呢？
英國有個廁所協會，佢地個董事總經理Raymond Martin話咁做事實上係令到細菌有更大的表面環境滋生，即係變相仲多菌，咁就弄巧反拙架喇。而且廁紙長期存放喺廁格入面，又無野罩住的話，沖水既時候好容易會有排泄物既細菌彈上廁紙度，然後到你又攞黎墊廁板再坐上去，你諗下係幾咁唔衛生呢？
如果你唔想再係咁，不如試下用無影櫈既方法去廁所啦～首先背住馬桶整好啲衫，然後好似坐無影櫈咁對準就得架喇，過程中千萬唔好掂到廁板，就可以好有效率咁避免到細菌轉移到我地身上，但係必須緊記一定一定要對準，否則就一身都係架喇。
可能你會話你無咁好腳骨力喎，唔緊要！仲有另一個辦法，但就比較唔環保。就係去廁所既時候，預備一啲沖得走的抗菌濕紙巾清潔廁板，都可以幫你殺菌架。
另外去完廁所記得將馬桶蓋放落黎之後先好沖水呀，如果唔係啲細菌就好容易會跟住啲水氣，飄散喺空氣入面架喇！
雖然去個廁所都好有學問，但事實上大家都唔使咁驚既，因為地球本來就有大量細菌，而且大部分既細菌都係對人體無害，只要平日保持清潔衛生就無有怕啦～
圖片來源: British Toilet Association、網絡圖片
撰文: Msrachel
