「她說好」！恭喜林宥嘉求婚成功，未婚妻係大佢2歲嘅丁文琪！林宥嘉在求婚宣言中寫到「我覺得自己似乎漸漸闖進了那個，曾經只存在我想像中的未來⋯而我也知道，那個未來一定要有你。」
一個男人講出「未來一定要有你」冧死人，究竟淡出樂壇嘅丁文琪，有咩魅力可以喺靚女雲集嘅娛樂圈跑出，牢牢「箍住」林宥嘉個心呢？等小編同大家大解構！
分析前，大家不妨先了解下丁文琪個背景先：佢喺實踐大學畢業，高中背吉他喺街上彈唱被經紀公司睇中入行，曾短暫加入英皇娛樂，後來淡出娛樂圈，到日本文化服裝學院讀設計，依家喺台北經營自己開嘅Cafe。
能夠令林宥嘉求婚都重視同緊張成咁，丁文琪具有呢5種男人難以抗拒嘅特質：
# 1 孝順
丁文琪最愛媽咪同婆婆，話喺佢地身邊先最幸福，佢會幫婆婆擦指甲油扮靚靚，同時將婆婆同自己講嘅人生哲理記喺心入面。重視屋企人係女仔好好嘅特質！
#2 獨立、低調
林宥嘉曾經講過對丁文琪開始有好感係見到佢認真籌備Cafe個樣。依家丁文琪經營Cafe，林宥嘉好嚮往接佢收工、散步睇戲簡簡單單嘅生活。相比鄧紫棋星光熠熠，林宥嘉坦言更愛退出娛樂圈的丁文琪果種「淡泊名利」。
▲丁文琪低調坐觀眾席支持林宥嘉開show
#3 藝術氣息
除咗整蛋糕一流，丁文琪煮西餐都好勁㗎！同時佢畫畫都好叻，會幫人畫插畫，又會幫自己手機套同蛋糕DIY插畫，真係才女！
#4 有自己生活圈
丁文琪除了同SHE老友鬼鬼，得閒就會約埋一大班friend茶聚、談心。女仔有自己生活圈子，拍拖俾到男方空間，唔會「癡身」。
#5 古靈精怪鍾意探險
丁文琪一得閒就會四圍旅行，又會跳落水玩、對著公仔表情多多，古靈精怪，好有童心，一d都唔似30歲！同呢類女仔拍拖點會悶呀！
講真，之前對丁文琪仲有d陌生，深入d了解佢，小編都對呢類型女仔好有好感！祝佢地永遠幸福！！！
圖片/ 丁文琪微博
撰文/ 鋼牙真漢子
