27歲調情專家Horst Wenzel，喺Blog 「調情大學」（＂flirting university＂）撰寫調情貼士，有過百人瀏覽。最近Wenzel有見難民與德國社會撕裂嘅問題愈來愈嚴重，認為唔同種族拍拖係解決社會矛盾嘅方法，決定展開「調情班」，教敘利亞同伊拉克難民追女仔！
Wenzel話：「展開一段關係是令德國融合嘅最佳方法」，「調情班」上Wenzel傾囊而出，由點樣同德國女仔傾解、拖手，分析德國女仔嘅性格，甚至連性愛祕技都毫無避忌咁傳授俾穆斯林難民：
# 1 展開話題靠聆聽
對住鍾意嘅女仔，唔好一直講自己嘢，或者「百無禁忌」盤問人地私人嘢；要細心聆聽，發現對方對咩感興趣，就focus對方嘅興趣展開話題。
#2 讚美對方要具體
千企唔好讚德國女仔「妳對眼好靚！」呢D膚淺嘅讚美佢聽過十萬次；讚人要具體，例如「我好鍾意妳身上嘅香水味！」、「妳的聲線好柔和好聽！」等，相對會比較有誠意。
#3 約會地點要獨特
唔好求求其其約德國女仔去Cafe；試下帶佢地去攀岩、聽音樂會或者去一個短短地嘅Trip，特別又有益嘅約會令人印象好D！
#4 德國女仔對性開放 對愛保守
同德國女仔第一、二次約會就上床係冇問題嘅，性愛喺德國比較開放；但如果你要同德國女仔講「我愛妳」，最好等拍拖3個月之後，否則佢地會覺得好大壓力！
Wenzel的確係「戀愛初哥」難民嘅救星，難民對與自己文化、性格截然不同嘅德國女仔「無從入手」，上完堂心都定d！如果唔係義教，Wenzel私人「調情」課程一日收1500美金（11634港紙），都唔係人人上得起㗎！
相片/ bigstory.ap.org
撰文/ 鋼牙真漢子
