講到配襯呢家野，就梗係我地姊妹們嘅強項啦！咩唇色襯咩妝，邊對鞋搭邊隻袋，真係好專業架。之不過，點都唔及呢位仁兄咁襯嘞！巴黎嘅平面設計師兼甜點師傅Tal Spiegel，佢每日都周圍搜羅巴黎最靚最好嘅甜品，然後襯番佢對鞋selfie一番！
黎自以色列的Tal Spiegel原本係一名設計師，為追尋夢想走到巴黎，喺著名嘅費朗迪廚藝學院學做甜品。而家係一名巴黎嘅甜品師，夢想係開一間屬於自己嘅甜品店。
Tal Spiegel除左熱愛甜品，仲係一名鞋痴，佢每日都會從佢60幾對鞋中，隨機抽選一對穿上，然後喺巴黎嘅大街小巷尋找跟鞋子相襯嘅甜品。
Tal Spiegel每日都會Post相上IG，呢個習慣已經維持超過一年喇！甜品包括泡芙、糕點、蛋糕、馬卡龍、朱古力等等，睇到人流晒口水。
Tal Spiegel將『甜品』同『鞋』構成一幅幅色美俱全嘅畫面。
幅幅都襯到絕！
身為甜品師嘅Tal Spiegel成日都要四出尋找巴黎最好最靚嘅甜品。
小編係甜品控，又係鞋痴，真係唔知睇甜品先，定睇鞋先好！
圖片及資料來源：instagram@desserted_in_paris
撰文：Irene Leung
