「人天生根本都不可以愛死身邊的一個」嘅張致恒背住前女友莊端兒偷食台灣有錢女Doris一事成為城中熱話，成件事嚟講Steven不忠就梗㗎嘞，不過我欣賞佢毫無保留咁承認過失，大膽表示自己有機會性愛成癮，
仲同記者講話會去睇醫生，雖然唔知佢係咪真係去睇，不過有病就快啲醫好佢喇！
Steven前女友莊端兒身材弗到漏油，除咗一班女網民覺得佢陰公豬之外，男網民都直言Steven將莊私有化後出軌實在太差勁！
其實性愛成癮喺外國好普遍，一般患者都會坦誠公開自己有性癮問題，就連明星都唔例外，究竟呢個病有幾普遍？睇吓以下呢幾個人物你識唔識咪知囉。
Katy Perry前夫Russell Brand一向言行大膽，曾經講過自己有濫藥同菸酒嘅問題，喺2009年更加自爆曾有過千名性伴，亦曾經試過有日起身嘅時候旁邊有9位女性，直認自己性上癮。
《X檔案》男主角喺2008年自爆同妻子婚姻出現問題後，自願入住性愛復康中心接受治療。
大家仲記唔記得09年發生嘅體壇醜聞？當時身為球壇一哥嘅Tiger Woods被爆與十多名女子發生關係，事件發生後活士宣佈無限期暫停高爾夫球生涯，並入住性愛康復中心接受治療，現時活士嘅世界排名已經跌至741。
Lindsay Lohan嘅party girl形象深入民心，連佢本人都曾直言唔鍾意自己一個人瞓覺。Lindsay喺入住戒毒所期間結識前男友Riley Giles，可惜兩人沒有開花結果，其後Riley更指控Lindsay係一個性愛成癮患者。
也許有一天會做總統嘅Kayne West曾經講過自細已經性愛成癮，終日沉溺性愛影片，而佢同Kim Kardashian喺婚前流出嘅自拍性愛影片亦令Kim一夜成名。
已故天后Amy Winehouse前男友Alex Haines喺2008年向傳媒表示Amy濫藥同埋性愛成癮，無時無刻都只想吸毒同做愛，亦將問題歸咎於Amy前夫Fielder Civil。
資料及圖片來源：Huffington
撰文：Elefante
