之前同大家介紹過超萌大叔『鬍鬚女』，亦分享過佢啲靚相，今日再同大家分享佢嘅最新cosplay力作『小丑女』！
『小丑女』係今年上映嘅DC反派英雄電影《自殺特攻：超能暴隊》中最有話題性，最吸睛嘅角色。由Margot Robbie飾演嘅小丑女Harley Quinn集性感、瘋狂於一身，敢愛敢恨，形象鮮明；電影上映後，無論大人細路、素人、藝人都爭住扮小丑女。話題王『鬍鬚女』當然唔會執輸啦！一齊嚟睇下呢位鬍鬚小丑女啦！
▼『小丑女』人氣超高，鬍鬚女Ladybeard都黎趁趁熱鬧。
▼Margot Robbie本身就相當惹火性感，係飾演『小丑女』嘅不二人選。
▼『鬍鬚女』嘅『小丑女』造型都抄得好足架！而且全無違和感，正！
▼雙馬尾一直都係『鬍鬚女』嘅招牌，將佢變為彩色易如反掌。
▼『鬍鬚女』的瘋狂不遜色於小丑女Harley Quinn。
圖片來源：facebook＠ladybeardjapan
撰文：Irene Leung
