#1 喜歡獨處既人即使自己喺餐廳食飯都好Enjoy；唔鐘意獨處既人覺得自己一個人食飯怪怪地，有啲尷尬，寧願挨餓都唔肯一個人食飯。
#2 喜歡獨處既人會一個人去旅行，喺旅途上可以睇書、聽歌、影相、靜靜諗下野；唔鐘意獨處既人見到好睇、食到好食既野好想即刻同人分享，唔鐘意自己收收埋埋，所以佢地好唔鐘意自己去旅行。
#3 喜歡獨處既人鐘意自己去戲院睇戲；唔鐘意獨處就點都要搵個人陪。
#4 喜歡獨處既人放假會留喺屋企睇下電視、瞓下覺已經覺得好滿足，叫佢地出去social好似冇放過假；唔鐘意獨處既人放假梗係要約埋班friend出嚟玩喇！
#5 喜歡獨處既人有時會同自己對話，呢個係佢地瞭解自己既方式；唔鐘意獨處既人好鐘意成班人圍住傾解！
#6 喜歡獨處既人唔開心果陣總會搵方法開解自己；唔鐘意獨處既人會找人傾訴和尋求安慰。
#7 喜歡獨處既人唔介意其他人點諗自己，我行我素；唔鐘意獨處既人好重視得到其他人既認同。
#8 喜歡獨處既人內心強大，自尊心也相對強；唔鐘意獨處既心靈會相對脆弱，自尊心冇咁強。
喜歡獨處同唔鐘意獨處既人心理、行為上都截然唔同，你係邊種人？
資料來源：Lifehack網站
撰文：鋼牙真漢子
