日本係全世界最多吉祥物嘅國家，保守估計都有過千種，認真誇張！日本各個縣都有自己嘅吉祥物，縣市裡面嘅名物、商店街、博物館，甚至公司都有，而且吉祥物越出越奇特，分分鐘驚嚇過恐怖片主角。趁住日本一年一度嘅吉祥物票選活動即將於11月15日喺愛媛縣松山市舉行，小編先嚟同大家盤點一下日本騎呢嘅吉祥物先！
#壽司人Zusihooki（北海道北斗市代表）
驚嚇度：
驟眼睇落去好似隻白色曱甴，加埋身上面一粒粒唔知係咩『春』，都真係幾核突下！但佢真正嘅身份係『北寄貝壽司』吉祥物，而佢身上一粒粒嘅『飯』仲可以拆出嚟派，各位「梗」得落無？
#番薯忍者Nenja（千葉縣代表）超驚悚！
驚嚇度：
嚟自地底王國嘅番薯忍者，係千葉縣白井市為推廣特産『自然薯』嘅吉祥物，個樣衰衰咁，又乾爭爭、瘦蜢蜢，會吸引倒人買咩？都唔知佢係宣傳定倒米。
https://www.facebook.com/tororo461/
#印度系Psyche Delhi（東京都代表）
驚嚇度：
因為纏著條印度風頭巾，就俾人叫做印度系吉祥物。查實佢係代表高円寺商店街嘅，點解用印度系？聽講係因為高円寺聚集多國人種喎（咁點解唔用法國呢？）。佢成日伸條脷出嚟舔人，講真勁嘔心！不過聽講話俾佢舔到就會有好運行喎！
佢成日伸條脷出嚟舔人，講真勁嘔心！不過聽講話俾佢舔到就會有好運行喎！
https://ja-jp.facebook.com/psychedelhi/
#忍瓚しのびちゃん（（東京都代表）
驚嚇度：
『忍瓚』係CSアカウンティング株式会社嘅吉祥物。除咗見到佢用兩把刀SHOW咗公司個LOGO之外，真係完住睇唔出同會計有咩關係！
公司網頁裡嘅Icon公仔可愛好多！
#人臉怪貓Ojinyan（東京都代表）
驚嚇度：
呢個係日本藝能事務所「太田製作」設計嘅吉祥物「オジニャン」，身高有2米嘅貓爺爺，而且佢仲係太田製作旗下嘅搞笑藝人嚟，不過點睇都唔似隻貓囉！
Twitter＠ojiniyan
#月橋渡わたる君（京都府渡月橋代表）
驚嚇度：
全靠佢身上嗰三隻字，先知道佢原來係港人熱門旅遊區嵐山嘅吉祥物Wataru Tsukihashi（月橋渡）。據官方表示Wataru已經千幾歲㗎啦，條橋幾耐佢就幾大！有人認為佢成隻幽靈咁有啲嚇人。不過為凸顯要過『渡月橋』，有時要爬住行，都幾慘慘豬！
上電視節目仲要俾人過橋，認真慘情！
#河太郎Gajirou（兵庫県代表）
驚嚇度：
「河太郎」係兵庫県神崎郡福崎町推出嘅吉祥物，佢係柳田國男著作嘅《故郷70年》中河童嘅弟弟（我仲以為係鐵血戰事啲親戚添）。河太郎會埋伏喺池裡，喜歡對孩子們丟＂尻子玉＂。
去年，福崎町嘅辻川山公園仲喺池裡做咗佢嘅雕像，嚇親附近嘅人。
#樓太郎（愛媛県代表）間取り太郎
驚嚇度：
臉部係室內平面圖嘅『間取り太郎』係三福綜合不動産嘅吉祥物。真係為咗間屋，全身光碌碌！香港人明晒！
#婀魔照朱吽（鹿児島県代表）
驚嚇度：
「婀魔照朱吽」係「合同會社朱蟬」推出嘅吉祥物。佢係人類欺瞞、傲慢同妒忌嘅仔仔，對不斷反覆挾帶正義但又犯下錯誤的行為抱持疑問。不過佢外表唔多討好，據聞仲嚇到小朋友喊添！
騎呢吉祥物又點只咁少呢，只係太多不能盡錄！有時間又想笑下，大家不妨上網GOOGLE下。
撰文：Irene Leung
