特首話希望將來可以喺IFC一帶建設現代化岸邊泳棚，等上班族喺午飯後游返二十分鐘水。小編就諗如果可以衝埋浪就仲正！之但係諗諗下，游完水、衝完浪，又點可以唔換衫即刻返工呢？真係要多謝日本衝浪服飾品牌Quiksilver研發出一款水陸兩用、西裝款嘅潛水衣「TRUE WETSUITS」，等我地呢班打工仔，可以隨時隨地抽下水。
▼呢個唔係幻覺，我地終於可以著住西裝玩衝浪。
品牌宣稱「TRUE WETSUITS」上水後，唔使除，只要「打個冷震」咁，就好似未落過水一樣，相當神奇！上班族只要著住呢套「西裝」，就可以喺開工之前到海邊過下癮，然後「震一震」，就可以返工嘞！
▼上番水好似無落過水咁......仲以為平行時空現實版，型、到、爆呀！
【有片睇】
{youtube}UutiBRDxJ0U{/youtube}
▼「TRUE WETSUITS」一套有齊晒外套、褲、恤衫同領帶。暫時有寶藍色和黑色兩釦款式、晚禮服款式俾你揀。
▼外套採用2mm厚高彈性潛水料，加上潛水衣特有的GBS（Glued & Blind Stitched seams）縫製技術，真係滴水不入；至於恤衫就係用Quiksilver同3M研發的「dryflight」防水布料。
▼至於恤衫就係用Quiksilver同3M研發的「dryflight」防水布料。
▼仲好貼心咁附送一本日記同一支可以發送緊急郵件嘅筆。
而家有得訂製架啦，每套賣30萬日元，睇嚟午飯後玩水呢啲機會唔係屬於我地嘅！
圖片及資料來源：Quiksilver官網
撰文：Irene Leung
