話咁快又到年尾嘞，又係時候揀下2017年嘅月曆。小編今日帶俾大家嘅並唔係令人噴血嘅豐滿寫真女星；今次介紹嘅好〝另類〞，就係呢位成熟精壯，但係又可愛到極點嘅『鬍鬚女』(Ladybeard)所推出嘅月曆（レディビアード/2017年カレンダー/最新寫真集）。當中梗係唔少得佢嘅個人賣萌寫真，水著、和服、女僕造型通通有齊。
查實呢位『鬍鬚女』大叔Ladybeard喺年頭已經嚟過香港，無印象？等小編幫大家recall下啦！黎自澳洲嘅『鬍鬚女』做過重金屬歌手、演員及職業摔角手。最終憑住著女裝打摔角喺香港爆紅，之後就食住『鬍鬚女』個look，去咗日本發展，而家唔只喺日本御宅界出晒名，仲係日本藝能界高人氣偶象嚟架！想再知多啲就自己search下啦！
▼一齊重溫下佢過去嘅超萌造型。
▼和服Look相當嬌俏！
▼『雙馬尾加鬍鬚』視覺上雖然好衝突，但偏偏意外地討好。
▼肌肉crossover迷死人嘅笑容，得咗！
▼一邊出浴一邊賣萌是常識吧！
▼就係憑住呢招女裝打摔角喺香港爆紅。
▼粉絲愛佢台風唔造作，做自己！
▼佢仲同兩名17歲日本美少女金子理江醬和黒宮れい醬組成偶像組合lady baby。
▼查真『鬍鬚女』回復男兒身，係俊男黎架！
Ladybeard喺日本人氣高企，而且好有市場，佢個網頁仲有好多人氣商品賣架。
▼呢本係紀錄左鬍鬚女喺網路同海外活動訪問嘅「レディビアード外伝」，售價1620日元。
▼仲有呢本紀錄咗2014-2016年鬍鬚女所有行程的寫真書，售價2160日元。
▼送埋呢本熱辣辣嘅2017年最新鬍鬚女月曆(レディビアード/2017年カレンダー/最新寫真集)，售價1080日元。
俾住少少大家睇，想睇晒？就要自己買喇！
圖片來源：twitter@ladybeard_japan / facebook@ladybeardjapan
撰文：Irene Leung
