故事一開始係講一班有錢人的小孩好鍾意影吓佢哋坐開嘅車呀、飛機呀、直昇機呀、遊艇等等...（下刪一萬字）然後放上instagram炫耀一番，於是乎有人就開咗richkidsofinstagram，集合各地富二代嘅生活照，都有30幾萬followers㗎（勵志mode）。
身為一個有錢人的小孩，相片裡面出現較裸露嘅女性係好合理同正常不過。
正如我剛才所講喇，作為一個有錢人的小孩，相片入面有車匙、籌碼同現金係好合邏輯。
其中一位被選中嘅細路Julia Stakhiva同記者表示：「我成日都五時花六時變㗎，我一想就會做，可能聽朝我就會喺倫敦起身，然後發現天氣有啲鬱悶，我會打畀DAAAADDDYYY投訴。」
然後DAAAADDDYYY就會話「我估都係時候幫你轉天氣嘞」，然後我就會訂機票去巴黎或者南法。
身為Cavali嘅繼承人，求其影張相都係紅星作伴是常識吧！右邊為名模Alessandra Ambrosio。
搭飛機前後梗係要搭車...有問題咩？
不過可惜呢個世界上冒牌貨有太多，A貨亦唔難買到，搞到好多充大頭鬼搞亂個party，令真‧富戶蒙羞，於是創辦人就諗到開創Rich Kids呢個app，每個月收取會員費用歐羅$1,000，將「負擔唔到」嘅人篩走，咁真‧富戶就可以交到真心知己喇！
除咗賺錢，創辦人仲非常有善心㗎，打算將app收用嘅3分之1用作「education of poor kids」，實行將貧富懸殊嘅距離拉近咁話！
耐冇出過國想離地一下有兩個條件：1）首先你要畀得起月費；2）你要用apple產品，因為此app只應applestore有。
圖片及資料來源：richkids.life
撰文：Elefante
