嗚，識魔法真係好啊...無奈我只係一個麻瓜（哭），但身為一個《哈》迷，見到咁靚嘅魔法化妝掃一定要入貨，話唔定某一日我可以一個咒語即刻變靚靚！
storybookcosmetics最近上載咗5枝以哈里波特為設計靈感嘅化妝掃，隨即喺網上掀起一班網民討論。
化妝掃造工精細，同戲入面所用嘅魔法棒絕對有得比。
一set入面會有5枝化妝掃，仲有個絲絨袋仔畀你好好保護魔法棒！
想要嘅朋友可以到storybookcosmetics預訂，暫定價錢為美金$55，運費就因地區而異，香港嘅話運費大約係港幣$105，預計出貨日為2016年12月10日（可能會延後）。
有網民嫌未夠喉，設計埋呢個《哈里波特》嘅眼影palette，配埋兩支羽毛化妝掃一樣過癮，不過以上只係設計圖，想要就要等吓嘞！
如果想要同樣有魔法感覺嘅皮製羽毛形狀化妝掃，可以入手Stila出嘅eyeliner brush，盛惠港幣$250。
圖片及資料來源：storybookcosmetics、instagram@storybookcosmetics、stilacosmetics
撰文：Elefante
