日本航空巨無霸客機1985年發生咗一宗墮機意外，當年機上520人犧牲。8月12日踏入意外發生嘅第33年。墮機現場嘅群馬縣上野村御巢鷹尾根由朝早起就聚集咗一班受難者親屬，一眾人走上山坡。喺受難者嘅墓碑「昇魂之碑」前，雙手合十。
由大阪府嚟嘅山岡清子（72）一個人就拎住自己摺嘅千朵紙鶴登上尾根。當年佢嘅兩位女兒都喺災難之中離世，大女知美同二女薰只有16同14歲。兩姊妹為咗由親戚嘅屋企返去自己屋企就乘搭咗第123號班機返去，喺出發之前親戚仲用咗攝錄機拍低佢桶向羽田出發時嘅情況，但勢估唔到佢地幾個鐘頭之後就會終結佢地嘅人生。
喺最恐怖嘅一刻自己竟然唔喺身邊，一直後悔而自責嘅清子。因為喺屋企就會回想起同女兒嘅回憶，結果選擇咗搬屋。佢亦都有諗過將相簿都掉晒，唔想諗起姊妹咁活下去。
但經過多年後，大約喺15年前，清子偶然喺文具店見到摺紙。就諗1個人摺千朵紙鶴可能會夢見兩姊妹，之後就一路慢慢係屋企摺紙鶴。一路摺嘅時候，想見姊妹嘅心情越嚟越高，但有啲時候都因為憂鬱而中斷。見到咁樣嘅清子，大仔直樹（51）亦都感到心痛。「突然失去女兒嘅母親，佢嘅悲傷計唔到，同時間亦都無關係。」
直到千朵紙鶴做好，已經經過十五年歲月。8月12日就用咗個半鐘同丈夫（81）加上直樹一齊登上尾根，由於年紀大咗都用咗更多時間。喺墓碑前放上千朵紙鶴，將33年來嘅思緒留下。「即使是夢也好，也想擁抱你們。」
撰文：Oliver Fong
