平時警察同疑犯展開追車大戰就見得多，電視直播電視台由飛機影落去嘅畫面大家都有印象。但嚟牛群同疑犯追逐你又見過未？呢單奇事喺美國發生，逃走中嘅疑犯要喺一大群牛之中突圍而出嘅畫面被完全記錄落嚟。美國嘅媒體更加稱呼佢地喺「神聖嘅牛」，讚佢地做得好好。
喺8月5日美國佛羅里達州，有一男一女因為懷疑持有毒品被警察開車追逐。途中所乘搭嘅車發生意外，男乘客即場被逮捕，而女乘客就乘機逃走咗。當時已經喺晚上，喺黑夜之中佢走咗入一處養牛嘅牧場之中。
追踪嘅警察由直升機之中監視，配上夜視鏡拍攝。可以見到女疑犯被大約20隻牛追趕，無論佢走到去邊都被成群緊貼。當中仲見到牛群有攻擊嘅動作，女疑犯只好不斷回避。牛疑逐漸將佢趕到去牧場出口嘅附近，早已步署好嘅警察就直接將佢逮捕。
據喺直升機上嘅警察講，當時牛群真喺好似跟著疑犯行。而媒體都認為可以咁簡單就捉到人，牛群嘅幫助好大。直頭變咗喺警察嘅輔助，好有靈性。
撰文：Oliver Fong
