「喂！比杯啤酒嚟！」如果你仲係咁無禮貌咁叫侍應嚟幫你嘅話，你就比其他人蝕咗喇！
話說係東京神田嘅「大眾和牛酒場 KONRO家」喺佢嘅鋪頭度貼咗一張告示，上面標示咗唔同嘅價錢。「喂！比杯啤酒嚟！」收費1000円；「拎一杯啤酒嚟！」收費500円；「唔該，我想要一杯啤酒。」收費380円，根據唔同嘅態度會有唔同嘅收費。下面仲寫住「客人唔喺神，同時店員都唔喺奴隸。」，比起好多店家霸氣得多。
網上見到呢張告示都一致好評，覺得店家做得啱。有網民認為要好好咁對待店員，大家先會得到好嘅服務。有其實經營餐廳嘅老闆，見到都話想自己間鋪都咁做。
喺日本一直都以服務好而聞名，無論喺幾難嘅要求都好，店家都盡量會滿足。但喺睇嚟有部分客人真喺太過份，所以店家至逼於無耐貼呢張告示出嚟。當我地出國旅遊就算聽唔明人地講乜，大家都記得要有禮貌阿。
撰文：Oliver Fong
