繼續為你跟進日本炎熱天氣，喺福岡動物園為咗應對呢個連人都頂唔順嘅天氣，就特登整咗混有生果係入面嘅水塊送比園內嘅馬騮。
喺園內有49隻馬騮嘅馬騮山，就運咗三塊冰入去比佢地。一收到塊冰，馬騮就即刻攤上去訓。啲冰溶咗之後，有水濕潤吓又有生果可以食，相信呢個就喺呢個夏天佢地最正嘅享受。
當然除咗有生果冰之外，馬騮都仲好識自己搵方法降溫。日頭嘅時候就會嚟個日光浴，濕吓個身沖返個涼。睇嚟比起人類，馬騮更加容易渡過夏日喎！
撰文：Oliver Fong
