2020年東京奧運聖火傳遞嘅路線係今個月嘅12日就公布咗，為咗加入由東日本大地震復興奧運嘅印象，聖火確定會喺3月26日由重災區嘅福島開始運送。去到7月2日嘅開幕式之前，121日嘅傳遞日將會圍繞全日本47個縣運送。
聖火會先由福島出發，先由北關東南下。到達沖繩之後，回轉一直北行到達北海道。再經幾次海路南下，回到日本嘅首都東京。當7月10日進入東京嘅時候，就會圍繞全23區走。聖火傳遞全程用到陸路同海路，沖繩同北海道當然就要用到遊輪傳遞。
當然實際行走嘅路線仲未有定案，會交由各個縣決定，詳細嘅路線會喺來年嘅夏天決定。大會嘅組織委員會會長森喜朗 就話「1964年嘅奧運聖火傳遞將感動向大家共有，今次就要將佢交比下一個世代。」
其實有關於出發點，本來有東日本大地震「被災地案」同與1964年一樣嘅「沖繩案」。由溫暖嘅沖繩開始，所需要嘅經費會比較少，委員會一度決定咗條用沖繩案。但係應該要將復興奧運呢個主題帶出黎嘅意見實在係太強烈，最後就將福島出發作為定案。
撰文：Oliver Fong
