好多員工如果對公司有嚴重不滿的話，都會發起罷工行動，好多時都會影響到市民，特別係服務行業。不過日本岡山市最近有一批巴士司機發起罷工行動，但佢地嘅行動唔單止無影響到市民，又成功對抗到公司。
罷工嘅司機係「兩備集團」嘅員工，佢地抗議資方喺面對市場競爭加劇嘅情況下拒絕保障佢地嘅工作。而喺日本有種罷工方式叫「集改劄罷工」，即係司機照常開車，但唔收乘客車資。
佢地由上個月26號下午1點起用上述方法罷工1個鐘，27號就全天採用依種罷工法。工會成員用白布覆蓋巴士內嘅收費箱，貼上寫住「不收車費」嘅紙張。有啲乘客見到字條後一臉狐疑。兩備巴士工會執行委員長高木秀治4月25號喺記者會上先針對之前嘅罷工表達歉意。但佢話雖然唔係百分百滿意公司嘅回答，但唔可以再比乘客添麻煩，所以實行集改劄罷工，認為對公司係一個打擊。
撰文：Yanica
