鄭州市有一名消費者李海峰（化名）向中國消費者報反映，話自己喺淘寶網買野，點知貨不對辦，喺同賣家溝通果陣，對方居然出然恐嚇，話要血洗佢全家？
李先生話佢喺一間淘寶網名叫「左鮮新彊特產」嘅店鋪買咗幾包乾果，但到貨果陣發現唔夠秤同埋有瑕疵，但同店家溝通果陣出現分歧。佢話對方越傾火氣越大，居然出言要脅佢，話如果比差評的話，會即刻買機票去血洗佢全家，仲傳埋機票截圖。
李先生話佢而家好驚恐，屋企有老人又有小朋友，而家凡有人敲門都好驚。佢已經向淘寶反映咗問題，但24小時過去仍然未有回覆。李海峰最後選擇咗向商家所在地阿克蘇市警方報警。
4月26日17點17分，阿克蘇發布官方微博公佈消息，話阿克蘇市場監管局、阿克蘇電子商務協會及時對相關情況進行咗調查。已經協調關閉賣家喺淘寶網經營嘅網店，查封埋佢開設嘅實體店。針對其涉嫌違法嘅言行，當地公安機關已介入調查同將會依法處理。
圖片來源：“中國消費者報”微信公號
撰文：Yanica
