美國密西根州2一名男子打算由696號州際公路上跳橋輕生，之後警方為咗減低男子墜地距離，調動貨櫃車築起車陣，最後男子放棄輕生。唔少網友知道後都話：「人間有愛！」
密西根州警方週二凌晨1點接獲有民眾想尋短嘅報案後立即封鎖現場，再喺公路上對經過嘅大貨車司機求助，最後有13位司機，喺橋下築起「貨車連環陣」，一但男子跳下，都可以減少衝擊。最後警方同談判專家用咗幾個鐘成功說服男子放棄自殺念頭，再將佢送院。
警方最後逐一同司機握手致謝，其後喺Twitter發布貨車整齊排喺橋下嘅相，獲大量網民讚好同轉發，好多網友都稱讚「司機們是英雄」。
圖片來源：Twisted Truckers
撰文：Yanica
