蟻民 Ants Public

美國一位男子6日喺佢twitter「TheRealFlexGod」上上傳咗一張相，相中嘅佢抱住兩個細路，內文有提起到佢悲慘嘅身世，引起網友關注。

依位男子提到，佢17果陣同第一位女朋友生咗一個仔，但女友之後不幸地喺車禍中死亡。到佢18歲果陣，難得走出陰霾，同第二名女朋友生咗個囡，但雪上加霜嘅係，女友確診癌症，之後亦不幸離世。而家19歲嘅佢喺學校入面返兩份工，自己獨力湊兩個兒女。雖然生活有啲艱辛，但佢借自己嘅經歷勉勵網友，叫佢地永遠都唔好放棄人生。

事件引起網友廣大關注，有唔少網友為佢打氣，但都有人留言話佢會為女友帶來不幸，叫佢唔好再同女仔拍拖。