蟻民 Ants Public

人對未知嘅事物總係特別好奇，死後嘅世界到底係點，永遠都會係一個謎。但世界上總有一群人想去探知死後嘅世界係如何。日本有間殯儀公司早前推出「 VR 葬禮」，等消費者可以體驗自己作為「葬禮主角」的感覺。

殯儀公司早前製作咗一段369度VR (虛擬實境) 影片，可以用死者角度去睇一個葬禮嘅流程，由籌備到化妝、運送遺體、親友獻花、蓋棺，成個過程都無一遺漏。公司表示，推出依個「 VR 葬禮」唔係純粹想比用家體驗，更加希望用家以另一角度了解葬禮，同時考慮到逝者需要，思考點樣送別對方最後一程。

唔少網民睇完影片後都莫名覺得傷感，因為意識到所有人到咗人生最後一刻都係咩都帶唔走。但都對依項服務表示歡迎，可以有助在生者了解更多有關葬禮嘅細節。