WhatsApp為一對素未謀面嘅男女牽上紅線？喺英國，有一對素未謀面嘅男女，竟然因為一封誤傳嘅whatsapp而相識繼而相戀，3個月後仲成為埋夫妻添！緣份要嚟嘅時候，真係擋都擋唔住阿～
44歲嘅Michael Evangelouo係一位汽車銷售員，有一日佢想傳一個whatsapp比自己，提醒自己去睇電影《Girls Trip》，但估唔到send錯咗比一位陌生嘅女子Lina Dahlbeck。Lina感到一頭霧水，但仍然禮貌性咁回覆Michael，估唔到就係依個回覆，佢地一來一回咁持續對答，意外發現同對方相當投契。當日晚上佢地約咗出黎，第一次見面就一見鍾情，順理成章開始交往。
Lina係一位化妝師，佢同Michael講佢嘅夢想係去杜拜開化妝學校，估唔到Michael願意一齊去。但Lina表示，杜拜係一個伊斯蘭國家，如果唔係夫妻的話，就唔可以一齊生活。Michael二話不說就承諾：「咁就結婚！」
兩人喺上年12月舉行婚禮，男方仲放棄咗佢喺英國嘅工作，隨Lina去杜拜支持佢嘅創業夢。
