一年一度嘅DSE公開考試又開始咗，對於莘莘學子嚟講，始終都關乎佢地嘅未來，難免會有壓力。有時候小小嘅關心，可能已經為佢地提供到好大嘅動力。有兩名應屆DSE就喺Facebook群組「名校Secret」分享，佢地都不其然咁收到來自陌生人嘅溫暖鼓勵。
其中一位學生就話，同另一位同學喺麥當勞討論題目，因為佢嘅同學聽日就考所以有啲緊張，對面嘅一位男子喺走嘅時候，貼咗一張寫咗加油字句嘅memo紙放喺枱面：「DSE加油！中文口試表現得樂於同人溝通就得架啦！」樓主表示估唔到會有唔識嘅人鼓勵佢地，感到好窩心同感動。
而另一位同學嘅遭遇都好相似，佢話喺觀塘apm starbucks有個姐姐聽到佢同朋友之間嘅對話，得知佢係今年dse考生，臨走之前俾咗張字條佢：「加油捱埋佢！好快過的！」
所以話，做小小事就可以搵考生帶嚟咁多溫暖，又何樂而不為呢～
