谷阿莫除咗講電影叻，原來做生意都好叻架～佢近排就發展鳯梨酥事業，仲會開埋旗艦店，谷阿莫迷下次去台灣可以順便朝聖呀～
佢自製嘅鳯梨酥每粒重50克，52蚊台幣一粒。谷阿莫強調用料都選用高檔食材，耗時3年研發。
有網民喺招聘網站見到「谷阿莫鳳梨酥咖啡廳-鳳梨酥門市部經理」 嘅空缺，公司簡介講明「這是一個咖啡廳、鳯梨酥、觀光景點結合的品牌門市旗鑑店，總坪數超過兩百坪」，員工人數亦會超50人；而呢個職位更加開價5至15萬台幣月薪～
開得高價，要求就梗係都有返咁上下啦～除咗基本工作要求，面試者仲要鐘意「谷阿莫」呢個品牌，同埋要有野心同企圖心。小編每個星期都會睇谷阿莫，唔知符唔符合資格呢～
圖片來源:PTT，谷阿莫Facebook
撰者:Yee
