蟻民 Ants Public

近年亞洲好多國家都興起夾公仔風潮，喺日韓台周街都見到夾公仔嘅店鋪，亦都時不時都有好多網路達人喺網上分享夾公仔嘅秘訣，或者見到好多達人將一架公仔機嘅公仔夾走哂嘅新聞。
喺廣東清遠就有一位90後嘅女仔雅離，佢突然迷上咗夾公仔，一年之內竟然用咗4萬蚊人仔總共夾咗7000隻公仔番屋企，堆滿哂成間屋，之後佢喺網上直播佢堆公仔山，意外走紅。
雅離係一位攝影記者，一年前，佢因為意外咁夾咗一隻黃色小鴨子，就迷上了夾公仔，之後不斷咁鑽研夾公仔嘅方法。為咗鑽研技術，佢仲特登買咗部機番屋企不停夾。到而家，佢夾公仔嘅技術已經出神入化，練就咗一身“甩夾”功夫，每次去商場到夾一定可以將部機清空，吸引路人圍觀。

雅離喺屋企騰出咗一間房放公仔，但係除咗間房，其實成間屋都已經比公仔佔領咗，佢平時淨係可以坐喺電視櫃上食飯。而喺佢搬屋果陣，佢用咗半個月先成功將所有公仔打包。

被問到父母有無反對佢嘅行為，其實佢都會完成咗自己本職工作，先會去夾公仔。而且父母都比較開明，佢地覺得只要對佢無負面影響、同埋無妨礙到人地就無問題。
雖然睇落真係好瘋狂，但據瞭解，雅離已經著手拎啲公仔去義賣，義賣後嘅款項會捐比有需要嘅老人家，依個舉動值得我地去稱讚。