「婚外戀愛許可」呢個風氣源自日本漫畫《1122》，故事講一對結咗婚7年嘅夫婦雖然感情好好，但因為時間太耐而開始覺得悶。有一日佢哋商討後決定訂下「婚外戀愛許可」，即係佢哋仍然係夫婦，但可以各自出去「搵食」。佢哋相信兩個人之間關係嘅不足可以靠第三者補足，令段婚姻更加完滿。
日本有個節目就搵咗一對進行緊「婚外戀愛許可」嘅夫婦，佢哋結咗婚超過7年，而老公正同一個30歲單身女仔拍拖，三個人都知道大家嘅存在。
老婆認為如果老公喺自己身上得唔到滿足，出去搵其他女人滿足自己對段婚姻都係好事。而佢亦話佢唔會妒忌個女人，因為佢對自己有信心，相信就算老公有咗第二個女人，都唔會拋棄自己。
而老公亦認為自己識咗第二個女人後人變得圓滑，對老婆都愈嚟愈溫柔。佢仲話如果老婆都識個男人，段婚姻關係就會更加完整。
雖然佢哋都講到好開心，但小編始終接受唔到三人行……
圖片及資料來源:東京新青年
撰者:Yee
