外國有個女仔Debra媽媽5月因為呼吸道阻塞猝逝，同媽媽感情好好嘅Debra一直都好唔開心，每日都拎住媽媽嘅骨灰周圍走，連瞓覺都攬住瞓，但佢仍然覺得無咗媽媽喺身邊好唔慣。
有一日佢忽發奇想，用手指點咗少少媽媽嘅骨灰放落口，嗰刻佢突然有種同媽媽融為一體嘅感覺，原本無咗媽媽嘅不安亦慢慢消失。呢個轉變令佢下咗一個好重要嘅決定，就係聖誕大餐要用媽媽嘅骨灰做配料。
好多人都反對佢嘅決定，因為認為佢唔尊重往生者，而且食骨灰亦對身體有影響。但係Debra話無人可以改變佢嘅決定，佢已經決定咗要食有媽媽骨灰嘅聖誕大餐，嚟慶祝第一個無媽媽嘅聖誕節。
大家又覺得食骨灰呢個行為係孝順定變態呢？
圖片及資料來源:Ladbible
撰者:Yee
