相信唔少人已經有自備水樽呢個習慣，但呢一個水樽就肯定前所未見，皆因佢唔止環保，而且仲可以喺樽入面將水過濾兼淨化都不特止，仲可以測試埋水質，包保唔怕飲到肚仔痛，真係不禁讚嘆一句「科技真偉大」啊！
以後無論係公園飲水機定山澗水都唔怕飲到肚仔痛嚕！
搖一搖，即刻可以檢驗水質。
水質會顯示喺樽身，簡單易明。
然後扭一扭，樽內嘅三合一過濾系統就會消除主要污染物，例如殺蟲劑、石油化工業產品、細菌以及大多數重金屬物質。
山水即裝即飲，爽啊！
話到明係智能水樽點會咁簡單，樽身上有條可拆卸嘅智能手帶，功能包括顯示水質等級，計算你所需水量同埋記錄飲用進度。除咗自家呢條手帶之外，Apple Watch同埋FitBit都可以兼容到。
Ecomo可以檢測到總有機碳值（Total Organic Carbon）、總溶解固體量（Total Dissolved Solids）、混濁度（Turbidity）同溫度（Temperature）。
裝埋個app，隨時隨地track住你有冇飲夠水！
水樽具快速充電功能，只需充一個鐘就可以用到成個禮拜！
係咪好想要呢？不過產品仲未推出市面，預計2017年3月先會有得買，想要嘅朋友可以先預訂，暫定價錢折合港幣大約HK$1135。
Credit：kickstarter
