日日返工都總要同身邊同事有啲，不論你鍾唔鍾意佢都好，都係無可避免嘅。但如果遇著個變態同事都唔好話唔煩。早年香港有單新聞係有個女同事發現自己雪喺雪櫃嘅人奶成日少左，最後同上司講睇返CCTV發現原來有個男同事偷飲左。近日美國都發生左單類似嘅變態同事案，但呢單就更變態更噁男。根據外媒報導，美國加州一位27歲男子Stevens Millan，由上年11月開始至近日都多次喺放工後偷偷地射精喺其他女同事嘅物品度。
Stevens將精液亂射喺唔同嘅日常物品，包括日日返工都會用到嘅電腦鍵盤同滑鼠，都米話唔噁心。但最變態嘅係，佢仲將精液射入一位女同事水杯同佢嘅蜂蜜入面，令呢位女同事係唔知嘅情況下飲左精液蜂蜜。真係諗都打冷震。
Stevens惡行之所以比人發現係因為一位女同事3次發現水杯出現混濁物，佢一睇CCTV就發現Stevens嘅變態行為，立即報警。而Stevens好快就比人拉左，有機會面臨長達2年6個月嘅監禁同永久列入性犯罪者名冊。
警方受訪片段
撰文: JJ WONG
來源: ktla.com
