美國一個5歲小妹妹Sophia Chiappalone雖然年紀輕輕，但已經出入過醫院好多次。佢一出世就患有遺傳性心臟病，嗰陣醫生仲話佢過唔到2歲。但由於父母悉心照顧同小妹妹樂天知命，佢捱過一年又一年。
今年已經5歲嘅佢將要接受第四次心臟手術，佢一直都有個願望，就係希望有個夢想婚禮同嫁俾佢最好嘅朋友Hunter。
佢媽媽Kristy話Sophia一出世就只有半個心臟，佢而家活嘅每一日都係奇蹟，所以會盡力滿足佢嘅願望。
Kristy搵到一位攝影師Marisa Balletti-Lavoie，Marisa 聽完佢哋嘅故事都好樂意幫手完成小小嘅夢想。
佢哋喺當地一個公園影咗呢輯可愛嘅婚紗相，小妹妹真係笑得好開心啊！
媽媽Kristy見到自己個女著婚紗嗰陣喊到收唔到聲，因為佢好驚以後都再無機會見個女著婚紗。
雖然Sophia一出世就同病魔搏鬥，但佢仍然覺得自己好幸福，因為搵到愛自己嘅人。
圖片及資料來源：BoredPanda，Facebook
撰者：Kinnie
