而家普通一部手機都可以影相，令到愈嚟愈多情侶影裸照、床照。但當分手之後，呢啲相就好易成為報復工具。由於發生過太多類似嘅報復，隸屬於澳洲政府嘅「資訊安全部」（Office of the eSafety Commissioner）目前就同Facebook合作測試防止「色情報復」嘅工具。只要系統偵測到有人將用戶裸照上傳到Facebook、Instagram 或 Messenger，系統就會喺裸照發佈前自動刪除照片，目前測試地點包括澳洲、美國、英國同加拿大等國家。
聽落就好似幾好，但如果要享用呢項功能，你要首先send自己嘅裸照俾Messenger，再填寫澳洲eSafety部門嘅表格。Facebook收到後就會將幅相轉化成獨特嘅「數位指紋」（Digital fingerprint），一旦日後有人上載同你「數位指紋」匹配嘅裸照，Facebook就會自動將佢刪除。
但有網友就話，要其他人睇唔到你嘅裸照，首先你要主動俾裸照Facebook呢件事好好笑，仲話就算唔放Facebook，亦有其他網站可以放，所以最折衷嘅辦法都係唔好影喇～
資料來源：The Guardian
撰者：Kinnie
而家普通一部手機都可以影相，令到愈嚟愈多情侶影裸照、床照。但當分手之後，呢啲相就好易成為報復工具。由於發生過太多類似嘅報復，隸屬於澳洲政府嘅「資訊安全部」（Office of the eSafety Commissioner）目前就同Facebook合作測試防止「色情報復」嘅工具。只要系統偵測到有人將用戶裸照上傳到Facebook、Instagram 或 Messenger，系統就會喺裸照發佈前自動刪除照片，目前測試地點包括澳洲、美國、英國同加拿大等國家。
